Manoel da Costa (A Coruña 1947) Perito Industrial pola EUETI de Vigo, ven de cumprir os 54 anos de profesión, compaxinada nos últimos 22 co ensino das instalacións eléctricas na EEI da Universidade de Vigo. Esta actividade docente deu coma un dos seus froitos a edición de varios libros da especialidade. Un deles, Cabos Illados para o transporte e distribución de enerxía, editado polo Servizo de Publicación da Universidade de Vigo, foi o primeiro libro de Enxeñería Eléctrica editado en galego e o último, "Centros de transformación. Anatomía e fisioloxía", de case que 1300 páxinas e editado por Andavira, está a ter un bo percorrido entre os profesionais do sector. O paso á situación de xubilación permitiulle retomar a práctica das actividades que o exercicio da profesión lle impedira, sinaladamente a das artes plásticas e a escrita, que polo momento ten dado ao prelo dos libros: "Mirequelledigo. Crónicas dun filósofo tabernario", "A taberna do Mincha. Crónicas dun filósofo tabernario 2" e Escoite e verá!, a terceira entrega que pecha estas Crónicas.